Sahi

Door tak koi hal na nazar aaya

Akela hi khada raha apna saaya

Koi hamaara nahin

Kahin bhi chhaya nahin

 

Agar akele hi hona hai

To kis baat ka rona hai

Khet lagao, paani seencho

Apne hone ka daayra kheencho

 

Chhoti si duniya chhote ham log

Baahar ke asar ko hum maane sanjog

Accha hua to dua ya kripa

Bura hone par sar jhuka liya

 

Padchatti se sar uthaaye ham kyon

Udhar kaun hamaara dekhen yoon

mandook Koop mein chain se raha

Anjaan, bekhabar kya ho chala

 

Bahar dekhenge to payenge kya hum

Vahi ladai jhagde, vahi loot, vahi gum

Vahi khokhli hansi, dil ki dooriyaan

Dil patthar ke, kaanch ki choodiyaan

 

Chhota si asha, choti si duniya

Santosh dhan – chahe ho kamiyaan

Munh mod bhi loon to aayegi dastak

Phir dosh dhondege bol ke – mastak

 

Par dastak  bhayanak kyon ho anjaan

Agar hamne diya bahar dhyan

Duniya bhale hamari marzi se na chale

Us mein hamaari marzi to mile

 

Haq se bolo sahi hain hum

Na maane koi, nahin hoga gum

Agar sabke sahi main hui takrar

Ek sunehre sahi ka nahin door intezaar

 

Draft version.

Advertisements