Sita Part I

Sita ke saaye ko sadiyon ke sirhaane par sone do
Ya phir uski sacchi kahaani ko anjaam hone do

Pali Janak ke dilwaron mein
Jaane kis ki jaayi thi
Suntein hain khalihaanon mein
Laadli unko paayi thi

Beeta bachpan laad pyaar mein
Yeh jag mein sunvaayi thi
Mahalon ke andar kya beeta
Jaane usne kya kya seekha

Yeh jaanen  Janak raja ki
Beti honi paraayi thi
Aage ki unko kya soojhi
Kitna unki bitiya boojhi

Sita thi sundar aur sajeeli
Kushal, Nipun, thodi rangeeli
Raja ki beti kehlaayi
Tan kar yeh bhi bojh uthaayi

Badi ho chali raj kumaari
Raj ki samjhi Zimmedaari
Byaah rachaaye us se naari
Jiska deshon mein palda bhaari

Mithila tha chhota sa desh
Nahin chahta koi bhi klesh
Tha paas Sita ka haath
Aur Shiv Dhanush ka Saath

Raja ne ab khel rachhaya
Har Desh se unhe bulaaya
Jo rakhein sab teer talwaar
Kabhi na maanein jo ab haar

Sita tab se gau kehlaayi
Jab se voh is khel mein aayi
Naam rakha jiska swayamvar
Khoj rahe the kushal Dhanush-dhar

Door door se raja aaye
Mauka dekh khoob itraye
Sita ko jab khabar ye aayi
Khud par chhori khoob ithlaayi

Na chahte phir khayal aaye
Inme mujhko kaun bhaaye
Jaanti khud ko mohra thi
cheerna chahti kohra thi

Bebas apne aabhaar mein
Shikshit ucch aachaar mein
Nanha kadam aage badadati
Bas apni chaah parakhna chahti

Dekha jab to sunn ho gayi
Socha jab to kaal ban bhayi
Raja honge yeh var to nahin
Inke haath mein mera kar nahin

Chaukhat laangh Kadam badaaya
Raghuvanshi Vanshaj ko paaya
Niras Bhrata ko rijhaaya
Dhanush dhyaan kuch kuch samjhaaya

Sabala naari sab kar jaave
Ram Raghuvanshi khud se paanve
Mithila ko sab se banchaave
Sabke man ko aise bhaanve

Yahi kahaani hui kai baar
Sita ne uthaaya bhaar
Kadam badhaya, laanchan paaya
Uske bal par Ramayan ho paaya

(c) Meeta Sengupta

Advertisements

2 thoughts on “Sita Part I”

Comments are closed.